مصطگی رومی

0
911

مصطگی رومی

مصطگی رومی  کو انگریزی : Mastic Gum کہتے ہیں جبکہ اس کو  لاطینی : Pistacia Lentiscus کہتے ہیں۔ اسی طرح عربی : الصمغ یا مملک،  رومی فارسی : کندررومی، मस्त गम

MasticTree Mastic Gum Pistacia Lentiscus مصطگی رومی 1
Mastic tree in a Mastic farm in Chios Island Greece.

ماہیت مصطگی رومی :

مصطگی رومی جماہوا رال دار مادہ ہے جو ایک درخت پس ٹا سیا  لین ٹیسکس کا گوند ہے جو کے تنے اور موٹی شاخوں میں شگاف دینے سے حاصل ہوتی ہے۔ایک اچھے درخت سے دس بارہ پونڈ مصطگی حاصل ہوتی ہے۔مصطگی کے چھوٹے گول بے قاعدہ دانے مختلف شکلوں کے ہوتے ہیں اس کی رنگت زرد مائل شفاف ذائقہ معمولی شیریں خوشبودار ہے ۔منہ میں چبانے سے ملائم مگر چپچپاساہوتاہے۔یہ پانی میں حل پذیر نہیں الکوحل ایتھر اور کلوروفارم میں حل ہوجاتی ہے۔

Mastic Gum Pistacia Lentiscus مصطگی رومی 2

مصطگی رومی مقام پیدائش:

اس کے درخت مغربی افریقہ اور یونان کے قدیم جزیروں میں پیداہوتے ہیں بحیرہ روم وغیرہ ۔

نقلی مصطگی:

درخت پس ٹاسیاٹیری بن تھس کی رال دار گوند ہے اس کی بو گندہ بہروزہ جیسی ہوتی ہے۔اسے خنجک یا کابلی مصطگی کہتے ہیں ۔اسی لئے بعض لوگ بہروزہ خشک کرکے بھی نقلی مصطگی تیارکرلیتے ہیں ۔یہ کھرل آسانی سے ہوجاتی ہے۔اور ہاتھ میں دبانے سے ریزہ ریزہ ہوجاتی ہے۔اصلی مصطگی کو زور سے رگڑا جائے تو باریک ہونے کی بجائے چمٹ جاتی ہےاور گرم ہوکر سخت ہوتی ہو جاتی ہے۔ اس لئے ہلکے ہاتھ اور ٹھنڈے کھرل میں باریک پاوڈر ہو جاتی ہے۔

مصطگی رومی کا مزاج گرم خشک درجہ دوم میں شمار ہوتا ہے۔

Mastic Gum Pistacia Lentiscus مصطگی رومی 1 3

افعال:مقوی معدہ و امعاء و جگر، کاسرریاح، ملین، دافع قبض و اسہال، منفث بلغم، ملطف طبع، محلل، اورام، جاذب رطوبات، جالی، دافع بخار، مسمن بدن

استعمال:

مقوی معدہ ہونے کی وجہ سے ضعف معدہ اور کاسرریاح ہونے کی وجہ سے ریاح کو تحلیل کرتی ہے۔مصطگی رومی بھوک بڑھاتی ہے معدہ جگر اور قوت ہاضمہ کوقوت دیتی ہے۔

مسہل ادویہ کی اصلاح یا تیزی کو کم کرنے کے لئے اس میں مصطگی رومی شامل کرتے ہیں مسہل ادویہ کے تیزی کم ہونے کے ساتھ آمعاء میں خراش بھی پیدا نہیں ہوتی ۔

نفع خاص:مقوی معدہ ،حابس، مضر:امراض مقعد، مصلح:سرکہ و آب مورد، بدل:پودینہ

مقدار خوراک:ایک سے دو گرام

Mastic Gum Pistacia Lentiscus مصطگی رومی 2 4
Heap of good quality natural mastic gums, isolated on white background. Greek mastic gums.
۱- مصطگی رومی محلل ہونے کی وجہ سے ورموں کو تحلیل کرنے کے لئے ضمادوں میں شامل کرتے ہیں
۲- جالی ہونے کی وجہ سے ابٹن میں شامل کرکے چہرہ پر ملتے ہیں۔ یہ چہرے کے رنگ کو نکھارتی ہے۔
۳- اس کا منجن دانتوں اور مسوڑھوں کو مضبوط کرتا ہے۔
*اندرونی استعمال*
مقوی معدہ ہونے کی وجہ سے ضعف معدہ اور کاسرریاح ہونے کی وجہ سے ریاح کو تحلیل کرتی ہے۔مصطگی بھوک بڑھاتی ہے معدہ جگر اور قوت ہاضمہ کو بڑھا دیتی ہے۔ بغرض تلین گل قند کے ساتھ ملاکر کھاتے ہیں۔ جاذب رطوبات ہونے کی وجہ سے نسیان میں استعمال کراتے ہیں کیونکہ یہ رطوبت دماغ کو جذب کرتی ہے۔
قابض و حابس ہونے کی وجہ سے دست و اسہال کو نافع ہے۔ کھانسی اور قصبۃ الریہ کے تصیفہ کے لئے بھی استعمال کرتے ہیں۔ غاریقون کے ساتھ مسہل بلغم ایلوا کے ساتھ مسہل صفرا اور ہلیلہ جات کے ساتھ مسہل سودا ہے سردی کی وجہ سے باربار پیشاب آنے اور بول الفراش کو مفید ہے۔
*مسہل ادویہ کی اصلاح یا تیزی کو کم کرنے کے لئے اس میں مصطگی رومی شامل کرتے ہیں مسہل ادویہ کے تیزی کم ہونے کے ساتھ آمعاء میں خراش بھی پیدا نہیں ہوتی۔*

بچوں کے مرض عطاش کے لیے مجرب المجرب خاندانی نسخہ

*سفوف مصطگی رومی*
*ھوالشافی*
1- مصطگی رومی 1 تولہ
2- طباشیر نقرہ 1 تولہ
3- الائچی سبز 1 تولہ
4- ست گلو اصلی 1 تولہ
5- کوزہ مصری 4 تولہ
*ترکیب تیاری*:
پہلے مصطگی کو نہایت نرم ہاتھوں سے چوٹ پہنچائے بغیر رگڑ لیں۔ پھر باقی اجزاء ملا کر کھرل کر کے نہایت باریک سفوف تیار کرلیں۔
*مقدار خوراک*:
بچوں کو ایک تا دو رتی بڑوں کو چار تا آٹھ رتی ہمراہ بدرقہ مناسبہ کھلائیں
*مزاج* غدی اعصابی (گرم تر)
*خواص و فوائد*:
معدہ کی گرمی ہاتھوں پاؤں کی جلن، جگر کی گرمی ALT ہائی، موسمی بخار، ٹائیفائیڈ بخار ضعف معدہ و امعاء کی بہت اعلٰی دوائی ہے۔ ہمارا خاندانی مجرب نسخہ ہے۔
بچوں کے اکثر امراض الٹی متلی ہرے پیلے دست بخار بالخصوص عطاش یعنی سوکھڑا مسان یا دق الاطفال کی بھروسہ کی دوا ہے۔
جن بچوں کی گروتھ رک جائے ان کے لیے آب حیات نویدِ مسرت ہے۔ پچیس سال کی عمر تک کےبچوں اور بچیوں کے کی رکی ہوئی گروتھ درست ہو جاتی ہے۔ ایک دو ماہ کے استعمال سے ان کا قد بھی بڑھنے لگتا ہے اور وزن بھی پورا ہو جاتا ہے۔ بارہا کا آزمودہ نسخہ ہے۔
مجرب و معمول مطب ہے۔
*ڈاکٹر سید تنویر حسین*

دھرن پڑنا یا ناف ٹلنے کا حکمی علاج*

*ھوالشافی*
1- تخم سداب 50 گرام
2- نکچھکنی تازہ 50 گرام
3- مصطگی رومی 20 گرام
4- مویز منقٰی 100 گرام
تمام اجزاء پیس کر منقٰی میں گولیاں بقدر چنا کلاں بنا لیں ایک ایک گولی صبح و دوپہر و شام پانی سے کھلائیں۔ ان شاء اللہ دوبارہ ناف نہ پڑے گی۔ سات دن کھلا دیں۔ ناف ٹلنے کی وجہ سے ہونے والے تمام عارضے بفضل خدا ختم ہو جائیں گے۔
*ڈاکٹر سید تنویر حسین*
یہ بھی پڑھیں: خولنجاں کے فوائد

سفوف مصطگی رومی جواہر دار*

*ھوالشافی*
1- مصطگی رومی 3 تولے
2- طباشیر نقرہ 3 تولے
3- سبز الائچی 3 تولہ
4- کشتہ عقیق 1 تولہ
5- کشتہ مرجان 1 تولہ
6- کشتہ چاندی 1 تولہ
7- کوزہ مصری 12 تولہ
*ترکیب تیاری*
اول الائچی کے بیج مصری میں ملا کر نہایت باریک کھرل کر لیں۔ پھر کشتہ جات ملا کر کھرل کرکے خوب یکجان کرلیں۔ آخر میں مصطگی ملا کر آہستہ آہستہ کھرل کر کے یکجان کر لیں۔ بس تیار ہے۔
*مقدار خوراک*
دو رتی تا چار رتی صبح نہار منہ ناشتہ سے ایک گھنٹہ پہلے دودھ یا بدرقہ مناسبہ سے۔
*خواص و فوائد*
مقوی اعضائے رئیسہ و مقوی باہ ہے۔ دافع سرعت و خفقان القلب ضعف قلب بوجہ تسکین و تحلیل کو نافع ہے۔ استسقائے قلبی پر مفید ہے۔ چہرے کی رنگت نکھارتی ہے۔ وزن کی کمی درست ہوجاتی ہے۔ چہرے کی جھائیاں اور زردی اڑ جاتی ہے۔ ذکاوت حس کو نافع ہے۔ دق الاطفال کی اچھی دوائی ہے۔ لٹکے ہوئے جسم کو ٹائٹ کرتی ہے۔
*ڈاکٹر سید تنویر حسین*

Leave a Reply