آپریشن بنیان المرصوص: بھارت پر پاکستان کا فیصلہ کن حملہ

تحریر: سید عبدالوہاب شاہ

تاریخ: 10 مئی 2025 — یہ دن پاکستان کی عسکری تاریخ میں ہمیشہ کے لیے سنہری حروف سے لکھا جائے گا۔ یہ وہ دن ہے جب پاکستان نے اپنی خودمختاری، سلامتی اور عوام کے دفاع میں دشمن کے خلاف ایک ایسا فیصلہ کن، منظم اور برق رفتار فوجی آپریشن کیا، جو کئی دہائیوں تک یاد رکھا جائے گا۔

اس عظیم حملے کا نام “آپریشن بنیان المرصوص” (Operation Bunyan al Marsoos) رکھا گیا۔ اس کی منصوبہ بندی قرآنِ مجید کی سورۃ الصف کی آیت

“إِنَّ اللَّهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُم بُنْيَانٌ مَّرْصُوصٌ“

اور سورۃ العادیات کی آیت “وَالْمُغِيرَاتِ صُبْحًا“ سے روحانی و عسکری رہنمائی لیتے ہوئے کی گئی۔ یہی وجہ ہے کہ کارروائی کا آغاز بھی صبح سویرے کیا گیا۔

آپریشن بنیان المرصوص تین محاذوں پر بیک وقت کارروائی

آپریشن بنیان المرصوص کو تین بڑے محاذوں پر بیک وقت شروع کیا گیا:

1. بری حملے (Ground Offensive)
2. فضائی حملے (Air Strikes)
3. سائبر حملے (Cyber Attacks)

1۔ بری محاذ: دشمن کی جڑوں پر ضرب

کارروائی کا آغاز کشمیر کے محاذ سے ہوا۔ نوشہرہ کے علاقے میں بھارت کا مرکزی سپلائی ڈپو تباہ کیا گیا، جو LOC پر اسلحہ و رسد فراہم کرنے کا سب سے بڑا ذریعہ تھا۔ اس کے بعد پاکستانی افواج نے منظم انداز میں زمینی پیش قدمی شروع کی۔سیالکوٹ اور دیگر سرحدی علاقوں سے “الفَتح” میزائل اور دیگر مختصر فاصلے کے میزائلوں سے بھارت کی دفاعی تنصیبات کو نشانہ بنایا گیا، جس سے دشمن کو ابتدائی ہی مراحل میں گہرا صدمہ پہنچا۔

2۔ فضائی محاذ: فضا میں برتری کا مظاہرہ

پاکستانی فضائیہ نے جدید ترین جے ایف-17 تھنڈر طیاروں کے ذریعے بھارت کی اہم فضائی و اسٹریٹیجک تنصیبات کو نشانہ بنایا۔ ان میں یہ نمایاں اہداف شامل تھے:

• ادھم پور ایئربیس  مکمل تباہ کردیا گیا
• پٹھان کوٹ ایئربیس  شدید نقصان پہنچایا گیا
• براہموس میزائل اسٹوریج  مکمل تباہ کردیا گیا
• دفاعی ذخائر اور اسلحہ کے مراکز  تباہ کردیے گئے
• سورت گڑھ اور سرسہ ایئر فیلڈز  شدید نقصان پہنچایا گیا
• دہرنگیاری کی آرٹلری گن پوزیشن  مکمل تباہ کردیا گیا
• راجوڑی میں بھارتی انٹیلیجنس کا دہشتگرد تربیتی مرکز – مکمل تباہ کردیا گیا

آپریشن بنیان المرصوص میں سب سے بڑی کامیابی اس وقت حاصل ہوئی جب آدم پور میں بھارت کا جدید ترین S-400 ایئر ڈیفنس سسٹم پاکستان کے ہائپر سونک میزائل کا نشانہ بن کر مکمل طور پر تباہ ہو گیا، جس پر بھارت نے 1.5 بلین ڈالر سے زائد خرچ کیے تھے۔

3۔ سائبر محاذ: جدید دور کی نرالی جنگ

پاکستان نے دشمن کے خلاف سائبر میدان میں بھی غیر معمولی برتری دکھائی:

• 1744 بھارتی ویب سائٹس ہیک کی گئیں، جن میں 13 سرکاری پورٹل اور بھارتی اٹامک انرجی کمیشن کی ویب سائٹ بھی شامل تھیں۔
• 70 فیصد بجلی کا نظام بند کر دیا گیا، بھارت کا بیشتر حصہ اندھیرے میں ڈوب گیا۔
• ریلوے، گیس اور بجلی کے نیٹ ورکس معطل
• 7 بھارتی فوجی سیٹلائٹس کو جام کر کے نیویگیشن سسٹم ناکارہ بنایا گیا
• 2500 سے زائد سی سی ٹی وی کیمرے ہیک اور پاکستانی کنٹرول میں لے لیے گئے
• مہاراشٹرا اسٹیٹ الیکٹرسٹی ٹرانسمیشن کمپنی پر بھی کامیاب حملہ کیا گیا

دیگر اہم کامیابیاں

• پاکستان نے راج کمار نامی بھارتی انٹیلیجنس آفیسر کو ہلاک کر دیا، جو کشمیر میں مظالم اور پاکستان و بنگلہ دیش میں دہشتگردی کا ماسٹر مائنڈ تھا۔
• وہ تمام فوجی اڈے اور لانچنگ پیڈ تباہ کر دیے گئے جہاں سے پاکستان کی شہری آبادی، مساجد، اور حساس تنصیبات کو نشانہ بنایا جاتا تھا۔

آپریشن بنیان المرصوص کا دورانیہ اور دشمن کی شکست

یہ عظیم آپریشن بنیان المرصوص صرف ڈیڑھ گھنٹے میں مکمل ہوا۔ صبح 9 بجے تک بھارت کی بیشتر دفاعی تنصیبات تباہ ہو چکی تھیں اور وہ کسی قسم کی مزاحمت کی پوزیشن میں نہ رہا۔

اسی دوپہر بھارتی فوج کی ترجمان خاتون نے دبے لفظوں میں شکست تسلیم کرتے ہوئے جنگ بندی کی اپیل کی۔ بعد ازاں پاکستان و بھارت کے ڈی جیز کے درمیان ہاٹ لائن پر رابطہ ہوا۔ سعودی عرب سمیت کئی ممالک نے ثالثی کی کوشش کی۔

بھارت نے امریکہ اور سعودی عرب سے فوری مداخلت کی درخواست کی۔ اطلاعات کے مطابق بھارت نے صدر ٹرمپ اور نائب صدر سے چار مرتبہ رابطہ کیا، جس پر آخر کار امریکہ نے پاکستان سے سیز فائر کی اپیل کی۔

پاکستان نے واضح طور پر کہا کہ اگر بھارت نے دوبارہ کوئی جارحیت کی تو اس سے بھی زیادہ سخت، تیز اور فیصلہ کن حملہ کیا جائے گا۔

 آپریشن سے ایک دن قبل کی فتوحات

آپریشن سے ایک دن قبل ہی پاکستان نے:

• بھارت کے پانچ جنگی طیارے (جن میں تین رافیل بھی شامل تھے) مار گرائے تھے
• 70 سے زائد ڈرون تباہ کیے تھے، جن میں 30 اسرائیلی ساختہ ڈرون شامل تھے

 اللہ کی مدد اور ایمان کی قوت

“آپریشن بنیان المرصوص” نہ صرف پاکستان کی عسکری مہارت، جدید ٹیکنالوجی اور منصوبہ بندی کا منہ بولتا ثبوت ہے، بلکہ اس سے بڑھ کر ایمان، نظریے اور جہاد فی سبیل اللہ کے جذبے کی جیت ہے۔ یہ کامیابی صرف ہتھیاروں کے زور پر نہیں بلکہ اللہ کی نصرت، قوم کی دعاؤں، اور افواج پاکستان کی قربانیوں کا نتیجہ ہے۔ جس پر اللہ کا جتنا بھی شکر ادا کیا جائے کم ہے۔اللہ اکبر! پاکستان زندہ باد!